Re:جاوب على السؤال وحط سؤالك! - 2007/06/07 09:08لع اخ مدين
الظاهر حم اليوم ماتر علي
شفت اول تلات احرف من اسمك فقلت لحالي مدير شو الي كاتب
جواب وسائل سؤال بمنتدانا هان
بشك جاوبتك ع سؤالك
. ,,
...
سؤالي اشوي غريب او بدو تحليل يمكن ايمتا بتشوف العشره شواقل كنز وايمتا بتشوفها ولا شيء
| | كتابة المواضيع معطلة من قبل الإدارة.
مدين النفوس
المسؤول مشرف
المشاركات: 925
Re:جاوب على السؤال وحط سؤالك! - 2007/06/08 05:23والله سوال عسل ايش هالفصاحه العشره بشوفها كنز لما ادخل مكتب لبيع جبات الهمر ويقولولي حق الهمر نصف مليون وعشره شيقل وببقاش معي غير نص مليون ويشرطو علي ادفع العشره شيقل قبل النص مليون اما وينتا بشوفها ولااشي لما تكون معي وماني عاوزها وسوالي الكم بتعرفو ارض سهلنا نهبوها ابناء يعقوب واجو حطوفيهن خلايا نحل هل يا ترا حرام اقطف من عسل هذة الخلايا ام حلال مع العلم انها الارض بالاصل ارضنا ورحيق الازهار الي بيستخدمو النحل ليعمل العسل برضو رحيق زهرنا للي مش متبع ولاد يعقوب يعني (بني اسرائيل)
البحر مغلق لاعمال الصيانه
| | كتابة المواضيع معطلة من قبل الإدارة.
mogahedm
العضو وحش!
المشاركات: 1350
Re:جاوب على السؤال وحط سؤالك! - 2007/06/08 06:18والله اخوي مدين النفوس جوابك عن ال 10 شواقل جواب ذكي ..وسؤالك سؤال ذكي كمان..معطر بزهور وطنا الغالي..وباحسن عسل لاحلى ارض!! يعني لو اجا واحد وطلعني من داري وارضي بالقهر والقوه!! وحط بدالي في داري ..موشه ويتسحاق!! يعني بطلت تصور داري !! هي بظل داري وارضي ووطني .. زهرها زهري ورحيقها من رحيق ارضي ووطني والعسل المبارك اللي بيعملوا النحل عسلنا .. وكون يتسحاق وشلومو اليوم اخذوها مني وطردوني منها ما بغير شيء ..وما بغير حق !! لان الارض رايحه ترجع لاهلها واصحابها والبيت رايح يرجع كمان ..والسهل تبعكم يا اهل كفر قاسم اللي حطوا فيه خلايا النحل رايح يرجع الكم ولاهلكم.. والعسل اللي بيعملوا النحل من رحيق ازهار ترابكم وارضكم كمان رايح يرجع..فيا اخ مدين العسل عسلكم والسهل سهلكم..
طيب بعد ما شطحنا شوي في ارض العودة والوفاء ارض الاباء والاجداد الحبيبه..سؤالي: شو رايك في جوابي ..انت معاه والا عندك جواب ثاني ؟؟
| | كتابة المواضيع معطلة من قبل الإدارة.
بيضاء
العضو وحش!
المشاركات: 2401
Re:جاوب على السؤال وحط سؤالك! - 2007/06/08 09:26يسعد مساكم من أرض أحتلوها وبالغصب سرقوها
نيالك مجاهد شو متفائل
أكيد الحق لازم يرجع لصحابه
بس هالشيء مش على زمننا
يعني بدك تستنى شي الف سنه هيك وأكيد رح ترجع زهورك وأرضك الك سؤالي :
Re:جاوب على السؤال وحط سؤالك! - 2007/06/08 10:02يسعد مساك بيضاء مع اني باعرف منيح حجم المؤامره والماساة بس اكيد مش الف سنه .. انا باقول رايح يكون قريب جدا واقرب مما نتخيل باذن الله .. جواب سؤالك عن يوم الجمعه.. الجمعه سيكون يوم عمل الى ما قبل صلاة الجمعه وبعدها صلاة الجمعه اكيد بعدها بكون غداء وراحه زيارة امي الغاليه وبعدها زيارة اختي الوحيده.. وعندها راح يكون احلى فنجان قهوه من اغلى ايدين هذي الخطط حتى صلاة العشاء وبعدها بيجي دور وحصة الاصحاب .. وفي اخر الليل ..حصة الانترنت..والمواقع!! يعني برنامج حافل ..واللي ما قلته .. يعني اللي للظروف!! يمكن اكثر من اللي قلته.. ربنا يعين الجميع
واكرر سؤال بيضاء ..حتى انشوف خطط ثانيه !!
| | كتابة المواضيع معطلة من قبل الإدارة.
بيضاء
العضو وحش!
المشاركات: 2401
Re:جاوب على السؤال وحط سؤالك! - 2007/06/08 19:11صباحك سكر مجاهد
بالنسبه لي انا لأسا بغرفتي يعني الساعه 9 صبح وبدي حضر حالي لأنا رايحين عند أغلى ناس علي خوالي يلي ما بشوفهن كتير لبعد المسافه بيننا ورح نتغدى من أطيب ديّات ستي الله يخليها وبعد الغداء وبعد جلسه عائليه مع عيلتنا الكبيره خوالي وخالاتي وبناتهن وأولادهن الله يخليهن رح نعمل لفّه انا والصبايا كالعاده ولشوف شو خطتولي هالمره .. وبالليل عندي مشروع لحالي وما رح احكي عليه هون وان شاء الله طبعا .. العبد يخطط وهو يقرر
سؤالي موجه للذكور :
ماذا تكون ردة فعلك لو جاءت اختك لتقول لك اني احب الشاب الفلاني؟ كيف يمكن ان تتصرف في هذه الحالة؟؟؟فـَ لـِ تَسْمع يـــا مَنْ أنْتـَ هُناك.....
لَوْ كُنتُ أعشَق ...
لما كَتَبْتُعَنْهُ .... هُنَا
| | كتابة المواضيع معطلة من قبل الإدارة.
مدين النفوس
المسؤول مشرف
المشاركات: 925
Re:جاوب على السؤال وحط سؤالك! - 2007/06/09 08:34انا بجاوبك اخوي الاشي الي سالت عنو مش موجود بالبلد وبس هذا حال الدنيا منها الصالح ومنها الطالح صراع ازلي بين الخير والشر وتذكر انو لو كل اهل كفر قاسم ملائكه كان ربنا ذهب بهم وبدلهم بناس ثانين منهم الي بعصي ومنهم الي بعبدو اخ يا قلبي قلبتمواجعي يا اخ بس معلش بالنهايه بحب اقلك كفر قاسم بلدي عيوني بعطيها كفر قاسم بلدي وبروحي بفديها وسوالي الكم اليوم وينتا اخر مره ا اعلنت استسلامك ورفعت الرايه البيضه (مش مهم شو موضوع الاستسلام)
البحر مغلق لاعمال الصيانه
| | كتابة المواضيع معطلة من قبل الإدارة.
3sal mor
العضو قوي!
المشاركات: 931
Re:جاوب على السؤال وحط سؤالك! - 2007/06/09 18:37 صباحكم عسل طبيعي ومش من عند ابو خليل
صباح عسل النحل تاع السهل
استسلمت في تاريخ 10 اكتوبر 2006
ووكلت امري لربنا
الله يسامحك مدين النفوس الا تذكرني على هالصبح
صباحكم كله ذكريات حلوه واستسلامات اجمل
سؤالي
اذا تقدم لابنتك عريس ولم يكمل دراسته الثانويه اتقبله؟؟
| | كتابة المواضيع معطلة من قبل الإدارة.
بيضاء
العضو وحش!
المشاركات: 2401
Re:جاوب على السؤال وحط سؤالك! - 2007/06/09 19:27صباحك عسل يا عسل نياله ابو خليل صار مشهور
ع فكره ... شفتي الحيفيتس حشود مبارح هادا كان حد دكانة ابو خليل
اذا تقدم لبنتي عريس ولم يكمل دراسته الثانويه
بقوله بس تخلص الثانويه وتوخد البجروت بترجع
عسوله شو هالسوعال !!!
شكلو في عريس صف عاشر
سوعالي على الصبح ..
ايهما تتمني ان تكون لو كان لك حريه الاختيار رساما ام شاعرا ام نحاتا و لماذا ؟فـَ لـِ تَسْمع يـــا مَنْ أنْتـَ هُناك.....
لَوْ كُنتُ أعشَق ...
لما كَتَبْتُعَنْهُ .... هُنَا
| | كتابة المواضيع معطلة من قبل الإدارة.
3sal mor
العضو قوي!
المشاركات: 931
Re:جاوب على السؤال وحط سؤالك! - 2007/06/11 04:42اهلن عمو بو مرعي
الصراحه انا بحب الثلاثه فما العمل
بس يعني اذا لازم اختيار واحد فاكيد ع راسهم
الرسام لاني وانا صغيره كنت محرومه من الرسم
والرسم بالنسبه لي رساله لكل ناظر
ومن خلال الرسم اعبر عما يدور في خاطري وبدون حواجز
سوعالي هو سرقته من الدكتوره فوزيه وله بلاش ممنوع اللطش هان المهم سؤالي يقول
هل تؤيد فتره خطوبه مطوله وبدون كتب كتاب ام خطوبه قصيره ومع كتب كتاب ؟؟؟
خوالي يلي ما بشوفهن كتير لبعد المسافه بيننا
ولشوف شو خطتولي هالمره .. وبالليل عندي مشروع لحالي وما رح احكي عليه هون
