للاعلان والاتصال بنا
050-7224941
050-4224941
fax: 03-9073572
info@alqaria.net
لمزيد من التفاصيل



ابحث في موقع القرية
يوم الثلاثاء الموافق
11.12.2018

(توقيت القدس)
15/04/2018 - 02:57:02 pm
للمسؤولين ولناصبي الهوائيات رسالة مؤثرة من شاب فقد امه بسبب مرض السرطان 

كتب الاستاذ يوسف عامر على صفحته في الفيسبوك ما يلي  / رساله لناصبي الهوائيات في مدننا وقرانا العربيه. رساله لرؤساء بلدياتنا ومجالسنا المحليه لحل مشاكل التوزيع العشوائي للهوائيات. رسالة مؤثرة من شاب من الطيبة بعد وفاة امه والتي كانت كل شيء بالنسبة له رحلت واخذت قلبه معها .. رحمها الله واسكنها جنات النعيم. 

 

السلام عليكم للجميع ..

 

1- العلاج_الكيماوي ..

 


موضوع طويل ولكن جداً مهم وبطلب من كل انسان يشارك البوست !!!

 

شايفين هذه الانسانه صاحبة البسمه بالصوره ؟

 

هذه امي رحمة الله عليها احب اعرفكم فيها :-

 

اسمها دلال او ام السعيد كيف بتحبو تسموها ،بتاريخ 2/11 اكملت جيل 50 سنه ،هذه الانسانه كانت بالنسبه الي كل اشي بملكه بالحياه ،مكانتش بس امي لا لا ..

 

كانت امي اختي بنت صفي صديقتي صاحبتي ... كانت تجمعني فيها كل علاقات المحبه الي الله خلقها حتى بطلوعي ونزولي كانت هي الي دايما ً معي ،حلمها كان بسيط جداً انها تشوفني انا واخوتي باعلى المراتب ومتزوجين وتشوف احفادها مثلها مثل امهاتكم الله يحفظلكم اياهن ويرحمها برحمته !!

 

القصة بلشت بنص شهر سبتمبر (الشهر التاسع) ،حست امي باوجاع ببطنها وبعد ما عملولها سي تي للبطن اتضح انه عندها سرطان بالامعاء الغليظة ..

 

بس حكالي الدكتور انصدمت وانهرت وبدون ادنى تفكير صرت اعيط مثل الطفل الصغير لانه الجملة الي حكاها الدكتور لالي مظنش انها سهله عند الانسان "للأسف امك معها سرطان" ،اسم سرطان قتلني انا فما بالكم لو تسمع هي شو عندها !

 

المهم ،الدكتور ألح علي اني احكيلها لانه لازم يعملها عمليه للالتهاب بعد ساعتين ولازمه موافقتها ومضيتها على الورقه ،وافقته الرأي لانه حكالي وضع الامعاء عندها مش سهل لازمها عمليه جراحيه وفعلاً ..

 

رحت وحكيت لامي وطبعاً امي خافت وانصدمت بس لا ارادياً صارت تشكر الله وتردد "الحمد لله والشكر الك يا رب" وتعيط تعيط تعيط ...

 

عملت العمليه وتخطت الخطر بس للاسف لما عملوا السي تي للبطن كانوا شايفين انه الخلايا السرطانيه تلامست بالكبد والمراره وبهيك حاله السرطان ضل بالجسد ،انا مكنتش ععلم بهاد الاشي الا بعد شهر من عمليتها اي بمعنى اخر بنص شهر اكتوبر (الشهر العاشر) وطبعاً بس عرفت رجعلي الهم والتفكير والوجع ،اضطريت اخبي عن امي وحتى عيلتي كلها لهدف انه معنويات امي متتحطمش كمان مره ويرجعلها الخوف والهلع والتفكير !!!

 

الدكتور المختص بالسرطان عيّن تاريخ لاول جلسة كيماوي ،امي كانت كثير خايفه وانا واخوتي وكل العيله كنا كثير داعمينها معنوياً عشان تتخطى هذه المحنه لانه هيك مرض وحتى اي مرض كنت مقتنع انه العلاج الاساسي الحاله المعنوية .. 

 

2- الجلسة_الاولى .. اخذت امي اول مره كيماوي ثاني يوم كل جسمها برجف ، سخونه ،عرقانه ،سقعانه ،كل محل بجسمها بوجع ..


مر اسبوع على هذه الحاله بعدها تحسنت ..

 

3 - الجلسه_الثانيه .. امي نزلت بالميزان بشكل رهيب ،شهية الاكل معدومه ،24 ساعه بتختها بتعرفش تنزل وولا تتحرك وطبعاً اوجاع اوجاع اوجااااع ليل نهار !!!!


كنت اعيط ليل نهار واستدعي لربي يشفيها وكمان من ناحيه ثانيه استعين باعشاب لعلاج السرطان ووصفات من هون وهناك الي تساعدها لفتح الشهيه والاكل عشان ترجع تزيد بالميزان او حتى لعلاجها من السرطان وفكرت بيني وبين نفسي انه اثنين بواحد اقوى يعني علاج بالاعشاب من جهه وبالكيماوي من جهه اخرى هيك بكون علاجها اقوى واسرع بعرفش تحليلي صح او لا بس شفت انه اكثر اشي صح لكن للاسف علفاضي ..

 

4- الجلسة_الثالثه .. وكأني ماخذ معي جثه لعند الدكتور ،امي شبه فاقده للوعي واشبه بهيكل عضمي ،بس شافها الدكتور قلي امك صعب نعطيها كيماوي لانه الجلوبين عندها نازل كثير ولازمها دم (بتذكر كيف كانوا بس يدخلوا الابره بايديها ويجربوا كل الشرايين عشان يوخذوا عينه من الدم بس للاسف فش دم لانه الكيماوي حرقه كله) ،اضطروا يخلوا امي عندهم بالمستشفى وبعد ما مر اسبوع ونص على تواجدها بالمستشفى اجى تاريخ 3/3 وخطف زهرة عمري وحياتي ..

 

5- العلاج_الكيماوي هو السبب بموت امي ،انا مش بروفيسور وولا دكتور بس انا انسان بالغ عاقل وبفكر ومنطق اكثر انه الكيماوي ما ساعد باي شكل من الاشكال ،لما اشوف امي بتذوب قدام عيوني ولا بتاكل وبالموت حتى تشرب ولا بتتحرك وولا بتنزل من تختها وولا عارفه تحكي وبترجف وبنزل منها عرق بشكل رهيب هون بخليني اترك كلشي بالحياه واعيش لحظات عذااااب لا توصف بدون ادنى تفكير بالي محاط فيي ،كل هاد ليش ؟ بسبب الي بسموه "علاج" الي بحطوه جوا شرايينها ،الي بحكوا عنه علاج قتلهااا قتلللللل !!!!! ولا اشي ترك فيها الا وقتله !!! 


نصيحة انسان مجرب وخسران اكثر اشي غالي بحياته وولا عمره راح يتعوض اوعكم تقبلوا الكيماوي !!!!

 

امك ،ابوك ،خالك ،خالتك ،عمك ،عمتك ،سيدك ،ستك ، اخوك ،اختك .. جااارك صاحبك ابن عيلتك كل انسان بتعرفوا مريض بالسرطان نصيييييحه اوعك تخليه ياخذ من الكيماوي !!!!


6- علاج_السرطان .. فتشت بكثير كتب ومواقع انترنت حتى انقذ امي بس للاسف قدر ربنا اقوى ،يمكن فشلي بانقاذها خلاني استنتج هاد الاشي لاني متأكد من الي بحكي فيه الكيماوي كان يهدم مناعة الجسم وبهيك حاله مستحيل العلاج العشبي يكون ساري المفعول ..

 

7- العلاج هو تجويع الخلايا السرطانيه ،تنظيم الاكل وهو كالتالي :- 

 

1- ممنوع تاكل اكل مع زيون مثل المقالي ودهنيات يعني لحمه مع دهن ،قمح (خبر او اي اشي في قمح) ،هذه الاشياء منها بتتغذى الخلايا السرطانيه وبتتطور وبتساعدها على الانتشار بالجسم !!!

 

2- المعنويات ،لازم كل مريض باي شكل تساعدوه على نسيان المرض ،بمساعدة الرحلات ،الترفيه ،العيله تقرب منه اكثر بشوفتهم بكون جداً متعطش للحياه ومتمسك فيها !!!
3- وصفات عشبيه :-

 

*(عسل طبيعي +فستق + ليمون +ثومه) طحن بالمكسر وتركها بالثلاجه لمدة 4 ايام وبعدها كل ثلاث ساعات تعطوا المريض معلقتين منه (بساعد بشكل قوي على تقوية المناعه) ..


*(العلنده) .. عشبه بتغلوها بمي وبتسكبوها بقناني ولازم باليوم الواحد المريض يشرب منها 5 كاسات ..

 

*الاكثار من اكل الفواكه وخاصةً الكيوي والرمان والبرتقال والموز والتوت ،بتحتوي على عناصر مفيده جداً للجسم وخاصةً بتساعد الجسم على استعادة نشاطه ..


في نهاية الامر الله هو الشافي والمعافي واول واخر وكل الامر لله وهذا اهم اشي ..

 

الله يرحمك يا امي ويجعل مثواكي الجنه ،حبيت اشاركم هذه اللحظه الصعبه الي مريت فيها واعطيتكم نصائح جداً مفيده !!!
راح اعتبر هاد البوست صدقه جاريه عن روح امي رحمها الله الحمد لله ورحمة الله عليكي يا غاليه ..

 

راضي بحكمك وقضائك يا رب اللهم ارحم امي واسكنها فسيح جنانك يا رحمن يا رحيم !!!!

 

 الرجاء_النشر !!

الى هنا انتهت الرساله 

 

الى كل صاحب ضمير الى كل من له ام وزوجه واخت وابن وابنه من مسؤولين ومن اصحاب القرار من رجال سياسه ورجالات مجتمع اوقفوا هذه المهزله . اوقفوا مسلسل تجارة الارواح ..
 



الكتابات والمواضيع المنشورة في الموقع لا تعبر بالضرورة عن رأي الموقع وانما تعبر عن رأي كاتبها والمسؤولية القانونية يتحملها الكاتب . للتواصل مع موقع القرية نت . عنوان بريدinfo@alqaria.net / هاتف رقم:0507224941


الاسم الكامل :
مكان الاقامة :
التعليق :
هام جدا : ادارة الموقع تحتفظ لنفسها الحق لالغاء التعليق او حذف بعض الكلمات منه في حال كانت المشاركة غير اخلاقية ولا تتماشى مع شروط الاستعمال. نرجو منكم الحفاظ على مستوى مشاركة رفيع.
قنوات ألقرية نت
Copyright © kufur-kassem.com 2011-2018 | All Rights Reserved © جميع الحقوق محفوظة لموقع القرية نت
Developed & Designed by Sigma-Space.com | Hosting by Sigma-Hosting.com
X أغلق